Little Mario's Pizzeria (Life@KCC )

營業中

休息中

朋友剛剛搬左過黎葵興附近返工，咁就可以約埋佢齊齊食個晚飯。全日早餐薄餅 – 9”小 配料有煙肉、雞蛋、車厘茄、莫扎里拉芝士同奧勒岡香草，雞蛋以半熟狀態鋪係薄餅上，一切開蛋汁流哂出來，手拉薄餅超有口感。秘製咖哩雞豆飯第一次食印度米，原來印度米係比較幼同長身，煮出黎既飯粒粒分明，食落較硬身，比較煙韌，印度咖哩會有小小辣但味道超濃郁。朱古力咖啡咖啡師超有心思，畫了一隻天鵝係朱古力咖啡上面，未飲已經有滿滿既視覺享受，朱古力味唔會太濃，同咖啡味配搭剛剛好。Pineapple Lime Smoothie 呢杯係Summer Special，菠蘿味唔太濃，配埋清新既青檸味，非常有夏天既感覺，消暑一流。