影片
更多
2018-12-08
85 瀏覽
星期六約了朋友食嘢, 由於他在觀塘區工作, 他約我在觀塘等, 話要帶我去食平靚正嘅嘢.星期六的下午, 觀塘工業區依然好多人, 仿佛這裡是個新浦點, 街上有好多街招, 從首飾到化妝品, 好似都有得賣, 全部都是樓上鋪, 唔怪得咁多人行觀塘, 朋友帶我來到位於駱駝漆工業大廈, 搭Lift上樓來到一間叫”I’s Café”的店舖, 入到去一睇, 下午兩點幾都依然好多人在這間店舖食嘢, 地方又大又闊落, 於是我們在一個有梳發的卡位座低叫了一個美國安格斯牛扒及一個白汁煙三文魚扁意粉, 另加了一個朱古力心太軟配雪糕的甜品.一落order, 即刻有餐湯及面包上枱, 餐湯是羅宋湯, 很濃郁及很多材料在湯裡面, 餐包好特別, 是一條好多果肉的面包條, 食得出有紅莓, 提子等等, 甜甜地又少少煙韌, 好食! 好快, 朋友的美國安格斯牛扒配炸薯條及茄醬上枱了, 大大塊的牛扒煎到五成熟, 切開見到中間少少紅, 見朋友食到好有滋味就知道塊扒味道一定唔錯!輪到我的白汁煙三文魚扁意粉上枱了, 未食已聞到香濃的蘑菇忌廉的味道, 大大舊的煙三文魚卷成玫瑰花狀放在意粉的正中央, 旁邊仲放了一扎沙律菜, 看上去非常清新,
星期六的下午, 觀塘工業區依然好多人, 仿佛這裡是個新浦點, 街上有好多街招, 從首飾到化妝品, 好似都有得賣, 全部都是樓上鋪, 唔怪得咁多人行觀塘, 朋友帶我來到位於駱駝漆工業大廈, 搭Lift上樓來到一間叫”I’s Café”的店舖, 入到去一睇, 下午兩點幾都依然好多人在這間店舖食嘢, 地方又大又闊落, 於是我們在一個有梳發的卡位座低叫了一個美國安格斯牛扒及一個白汁煙三文魚扁意粉, 另加了一個朱古力心太軟配雪糕的甜品.
一落order, 即刻有餐湯及面包上枱, 餐湯是羅宋湯, 很濃郁及很多材料在湯裡面, 餐包好特別, 是一條好多果肉的面包條, 食得出有紅莓, 提子等等, 甜甜地又少少煙韌, 好食! 好快, 朋友的美國安格斯牛扒配炸薯條及茄醬上枱了, 大大塊的牛扒煎到五成熟, 切開見到中間少少紅, 見朋友食到好有滋味就知道塊扒味道一定唔錯!
輪到我的白汁煙三文魚扁意粉上枱了, 未食已聞到香濃的蘑菇忌廉的味道, 大大舊的煙三文魚卷成玫瑰花狀放在意粉的正中央, 旁邊仲放了一扎沙律菜, 看上去非常清新, 很是吸引, 扁意粉唔太林但又唔會太硬, 煙韌度是我鐘意的那種, 有少少咬口但又唔太林嗰隻, 好好食, 每條意粉都均勻的沾上了白汁, 一啖意粉配上一啖煙三文魚, 非常有滋味, 意粉裡面仲有唔少幼身的露筍, 又香又嫩, 仲有新鮮的蘑菇片及洋蔥, 好好食! 當我食到差不多一半時,侍應走埋來貼心的問可否開始整心太軟, 因為需時15-20分鐘, 我們即刻點頭應承, 一陣仲有心太軟食.
我最喜愛的心太軟配曲奇雪糕來到我面前, 好大個心太軟, 個size比其他甜品鋪的心太軟要大許多, 熱辣辣散發住濃郁的朱古力香味, 聞到都流口水, 用匙舀來食, 一打開個心太軟, 裡面濃濃的朱古力即刻緩緩流出來, 超好味呀! 食完真的想再食多個, 實在是好好食!
好多謝朋友帶我來這間café, 原來所有嘢都不設加一,真的是平靚正!
張貼
