薑媽

營業中

休息中

難得Metime 午餐要食好啲，今次去咗牛頭角工廠區搵食😆。薑媽係工廈上面，經過樓下都唔顯眼，估唔到午餐時間好多人，不過好快就有位。店內裝修好有日系感覺，一入門口見到有咖啡櫃檯，唔洗講一定要點杯咖啡先！店舖主打一汁三菜定食，配埋日本飯、味噌湯、漬物及飲品。另外都有手作漢堡🍔、意粉🍝選擇。見好多人都點一汁三菜定食，我點咗日式海鮮鍋🍲，裡面有蝦、扇貝、蜆、魚同蔬菜，份量唔少，而且湯底濃郁有鮮味，用來配飯一流。副菜有甜蝦柚子大根漬，柚子很清甜，加埋甜蝦同大根幾特別👍。另外八爪魚新薯沙律🥗，用日本新薯配彈牙八爪魚，酸酸甜甜很開胃。2款副菜都好清新，感覺唔錯。店員話定期會轉換新菜式，下次來都唔怕悶😆飲品加$18升級海鹽焦糖咖啡☕️，有焦糖香味，海鹽中和甜度，飲落順口。整體味道同環境都唔錯，雖然價錢唔算平，下次都可以再食。