掌壽司 (已結業)

放工之後就去觀塘工廈食晚飯。經過掌壽司門口看見很多人，心郁郁便在這裏吃晚餐。精選二人晚餐抵食啲，由於唔想食料理，所以就散叫。蟹籽沙律沙律菜新鮮冇苦味，沙律醬份量剛好夠拌勻沙律菜。刺身盛上枱時，店員提醒我們由較淡味的吃起。油甘魚魚味較淡，肉厚肥美；海膽幾鮮甜；赤蝦大大隻夠甜美，蝦膏亦很鮮甜；拖羅油分甘香，冇筋；鰹魚四邊焦香，裹面軟糯。壽司點選了幾款壽司，店員提醒我們由右邊即三文魚吃起。三文魚腩新鮮肥美；火炙左口魚邊被輕輕炙燒過，入口時油分浸出；香蔥吞拿魚軍艦，吞拿魚蓉口感幼滑。壽喜燒鍋（二人前）湯底比較甜，蔬菜和豆腐卜吸收了湯的精華；北海道豚肉軟滑冇羶味，還有少少湯的甜味，點蛋汁更滑；澳洲和牛味道濃郁，肉質都幾滑嫩。今晚是好彩才可以入座，下次黎之前都係要訂咗位先。