影片
更多
2019-07-26
2564 瀏覽
朋友生日又想坐得舒服D，同事就介紹咗I’s Land Cafe呢間餐廳比我，佢比相我睇時已經覺得好靚了，所以就再無考慮其他地方，就約朋友喺駱駝漆大廈到等。一打開升降機門行出去就見到佢地嘅門口，裝修設計好園林嘅感覺，好靚呢！由於我同朋友都收8點，去到已經8點半，所以上到嚟都唔使等位，職員就即刻安排咗枱比我地。睇咗餐牌後，我地就決定點酥炸大虎蝦配茄茸汁扁意粉同埋經典德國豬手，是日餐湯就係甘筍茸忌廉湯配蒜蓉包，先上咗個餐湯同埋個蒜蓉包，甘筍茸都幾濃仲可以食到少少甘筍粒有D咬口好好味；蒜蓉包好香脆，好香蒜蓉味。等咗一陣到個意粉上到，呢個酥炸大虎蝦配茄茸汁扁意粉嘅色彩好豐富，隻虎蝦幾大隻，好彈牙。然後到個經典德國豬手，炸到好金黃色，睇到都流哂口水！而且伴菜當中嘅紫薯蓉都好特別，好好味！最後到我心目中嘅主菜-流心雙層窩夫塔，因為一早上網睇咗呢個甜品呢到可以幫客人寫字上去，而我朋友又生日，所以埋位坐之前靜靜雞同店員安排咗，當送到嚟嘅時候朋友都好驚喜，睇到佢個表情都後，證明我嘅安排無白費。而佢地嘅心太軟嘅朱古力味好香濃，而窩夫又好香脆，明明頭先食到飽，就因為太好味都忍唔到口呢！埋單$502
一打開升降機門行出去就見到佢地嘅門口，裝修設計好園林嘅感覺，好靚呢！
由於我同朋友都收8點，去到已經8點半，所以上到嚟都唔使等位，職員就即刻安排咗枱比我地。
睇咗餐牌後，我地就決定點酥炸大虎蝦配茄茸汁扁意粉同埋經典德國豬手，是日餐湯就係甘筍茸忌廉湯配蒜蓉包，先上咗個餐湯同埋個蒜蓉包，甘筍茸都幾濃仲可以食到少少甘筍粒有D咬口好好味；蒜蓉包好香脆，好香蒜蓉味。
等咗一陣到個意粉上到，呢個酥炸大虎蝦配茄茸汁扁意粉嘅色彩好豐富，隻虎蝦幾大隻，好彈牙。
然後到個經典德國豬手，炸到好金黃色，睇到都流哂口水！而且伴菜當中嘅紫薯蓉都好特別，好好味！
最後到我心目中嘅主菜-流心雙層窩夫塔，因為一早上網睇咗呢個甜品呢到可以幫客人寫字上去，而我朋友又生日，所以埋位坐之前靜靜雞同店員安排咗，當送到嚟嘅時候朋友都好驚喜，睇到佢個表情都後，證明我嘅安排無白費。
而佢地嘅心太軟嘅朱古力味好香濃，而窩夫又好香脆，明明頭先食到飽，就因為太好味都忍唔到口呢！
埋單$502
張貼
