Ulyssa by Aldou (已結業)

我同BB周圍搵食搵到荔枝角。今次睇Openrice食評搵到呢間樓上餐廳 ，咁咪用下個book 枱功能~一鍵完成勁方便~而家嘅工廈餐廳愈來愈靚裝 ，唔睇景基本上同高級餐廳都差不多。我同bb叫左2個set lunch,本來想叫甜品放題，點知我想試嘅3個款都冇貨，咁算啦~下次啦~一上來侍應已經在每張檯都預先準備左水同麵包醋，bb就覺得唔太衛生，覺得會有塵飛入去。湯味比較淡，但麵包是暖的。沙律都冇乜特別。主菜叫左海鮮意大利飯，調味幾好食，有3~4款海鮮每樣2隻，夠我同bb分。bb叫左豬胺肉，都幾厚，但唔係全塊都多汁，有d位比較硬，但配菜都有調味，可見廚師都有花心思。我特別加錢order用維他奶新出嘅荳奶沖咖啡，味道似脫脂奶，沒有平奶平時果種怪味。