禮食品市場 (已結業)

有時係九龍灣工業區食lunch想搵間日本嘢食都有啲困難 ，咁啱原來有間日本嘢正正就喺大廈入面。雖然呢間餐廳地方細細，但係感覺完全好日本， 喺牆上嗰部大電視一直都播住深宵食堂，而且仲有好多日本嘢食買。例如有三十幾蚊一pack嘅刺身甜蝦，馬刀貝，象拔蚌......等等，仲有急凍生蠔，日式牛扒， 漢堡，最正仲有甜品區添。當然唔少得有刺身飯，定食同埋烏冬提供。 所以我就試咗個刺身飯， 睇下啲刺身好唔好食先。 佢嘅刺身飯嘅刺身種類都算多，大概有五至六款，食落都新鮮，不過份量就少咗啲，但飯嘅份量就好多啦。 以lunch要百零蚊碗嘅價錢嚟講係有點貴，不過我覺得呢度個重點應該係買刺身食。