i kitchen (已結業)

平時返工放工經過巧明街，其實都望到呢間樓上西餐廳，今日lunch終於上去試下。因為大玻璃，又係中午，所以室內都光，我估夜晚黎情調會再好啲。今次同同事share食，叫左兩個lunch set，都配有湯或沙律、餐飲。我揀左南瓜忌廉湯，好多南瓜蓉，加左忌廉，有口感而又滑，湯係淡淡既南瓜甜，可以拎餅乾條點湯食。同事就試左沙律，份量大，係加左黑醋沙律汁，比較健康開胃，而且有大量芝士碎，同事話好fresh。主菜-輕煎北海道刺身帶子黑松露意粉，試枱賣相靚，黑松露味唔算濃烈，帶子半生熟，咬口好，所有意粉都均勻淡淡菌香，口感適中。主菜-香煎紐西蘭肉眼，五成熟，扒煎得好juicy，加上係紐西蘭扒唔會好肥，偏重牛肉咪，伴碟好靚，重可以選擇配蔬菜，對要生酮既朋友係一個好好既選擇。最後我揀左熱咖啡作結，咖啡香濃，唔錯。