影片
更多
2019-02-01
53 瀏覽
蟹肉蝦多士配香芒蛋黃醬 $108前菜要左份蝦多士 幾有驚喜準確啲黎講 係蟹肉蝦多士 因為蟹肉好重要 外表睇唔出 內裡蟹肉落得幾重手 份量多 比蝦更搶鏡另一個亮點係多士脆到一個點 同蟹肉蝦肉夾住食一流 沾啲蛋黃醬食更易入口 香脆得黎又唔會好dry成份多士最深刻係蟹肉同多士 香芒果部份反而唔係好覺 唔知係我無為意定係被搶左鏡呢北京風味薄餅 $145北京風味pizza你會諗起咩? 咪就係北京填鴨咁份pizza就唔係真係有北京填鴨 但係個feel有做到神似 鴨係有既 不過係煙鴨胸 呢part偏西式然後醬料同蔥就幾北京風 特別係醬 超入味 咸咸地 幾重口味 如果你鍾意清淡未必岩 似我鍾意濃味既就好岩食 蔥主要用黎加啲唔同口感 味道本身無乜 連埋另外既青瓜粒 present上當堂Beijing Duck左pizza係方形薄批 好脆口 雖然個人鍾意芝心批多啲 不過薄批令人更加專注批同材料本身 都會欣賞整體我覺得幾滿意 中西風fusion得幾和諧 口味未見過有創意 分已加秘制大蝦天使麵 $140好似好耐無食天使麵咁 心血來潮叫返份首先材料上有一大隻蝦 味道正常 不過都難以share食麵身係天使麵特有果
蟹肉蝦多士配香芒蛋黃醬 $108前菜要左份蝦多士 幾有驚喜
準確啲黎講 係蟹肉蝦多士 因為蟹肉好重要 外表睇唔出 內裡蟹肉落得幾重手 份量多 比蝦更搶鏡
另一個亮點係多士脆到一個點 同蟹肉蝦肉夾住食一流 沾啲蛋黃醬食更易入口 香脆得黎又唔會好dry
成份多士最深刻係蟹肉同多士 香芒果部份反而唔係好覺 唔知係我無為意定係被搶左鏡呢
北京風味薄餅 $145北京風味pizza你會諗起咩? 咪就係北京填鴨
咁份pizza就唔係真係有北京填鴨 但係個feel有做到神似 鴨係有既 不過係煙鴨胸 呢part偏西式
然後醬料同蔥就幾北京風 特別係醬 超入味 咸咸地 幾重口味 如果你鍾意清淡未必岩 似我鍾意濃味既就好岩食 蔥主要用黎加啲唔同口感 味道本身無乜 連埋另外既青瓜粒 present上當堂Beijing Duck左
pizza係方形薄批 好脆口 雖然個人鍾意芝心批多啲 不過薄批令人更加專注批同材料本身 都會欣賞
整體我覺得幾滿意 中西風fusion得幾和諧 口味未見過有創意 分已加
秘制大蝦天使麵 $140好似好耐無食天使麵咁 心血來潮叫返份
首先材料上有一大隻蝦 味道正常 不過都難以share食
麵身係天使麵特有果種幼 份量都足夠 有啲似自選左硬身既幼拉麵口感 當然天使麵跟醬唔係跟湯
再黎就講醬 落單侍應有提醒辣辣地 其實係幾辣下唔係辣辣地 第一次食辣天使麵感覺幾特別 原來秘制在於用醬 當然辣我係岩既 唔食辣既唔建議叫
朱古力心太軟配雪糕 $78中規中矩既一份心太軟 都叫滿足左我想食甜品既願望
配搭上幾standard 流心既朱古力口味心太軟 一球雲呢拿雪糕 加少些切粒士多啤梨伴碟
心太軟既朱古力都係食開既味道 一個小插曲係影相期間佢自己流心 都未落刀切 拿拿臨拎電話補返段流心短片
雲呢拿味雪糕雖然未見特別 但一向都朱古力心太軟夾得唔錯 雲呢拿球上面有落朱古力醬靚返少少 士多啤梨就份量唔多 少少生果吊下味 都沖淡返心太軟果份膩
如果正餐食完仲食得落 都可以叫下既 至唔係試其他甜品又得
Rose & Lychee Soda $42Grape Soda $38
是晚叫左兩杯梳打飲料 提子梳打味道比較淡 另一杯玫瑰荔枝就濃味啲 玫瑰同荔枝味都明顯試到 present上差唔多 有玫瑰花瓣果杯就靚少少 粉色主調都上鏡啲 提子就沉左啲
Smoothie Mocktail果啲無試到 梳打唔算係深刻 不過食濃味野有杯飲下幾解渴的說
張貼
