林氏廚房 (已結業)

第一次同朋友嚟到長沙灣區工廈嘅林氏廚房食晚飯。餐廳佈置溫馨簡潔；員工服務態度親切，非常有家的感覺。食方面我哋order咗個二人餐，有餐湯、沙律、小食拼盤、主菜、甜品及飲品，都相當豐富。粟米湯配多士，多士香脆，湯除咗好creamy外，仲食到粒粒好飽滿嘅粟米粒。蟹肉三文魚沙律，都幾多蟹肉，三文魚卷成花狀，放於青青的沙律菜上，好吸晴，顏色艷麗；再配上柚子醋，非常清新。小食拼盤，有餃子、金菇天婦羅、單骨雞翼，雖然係炸物，但不會感到油淋淋。主菜我哋揀咗大蝦牛肝菌乾蕃茄意粉及鰻魚炒飯意粉彈牙，配菜惹味。原條鰻魚舖在炒飯上，大大條，非常厚身，唔醒。而珍珠飯，粒粒分明，口感軟糯。牛奶布甸布甸夠冰凍，表面舖上糖沙，以為會好甜，但食落又不會太甜，布甸軟滑。原來餐廳逢星期三晚，都會有Live band演出，撞正今日係星期三，食飯之餘，仲有歌聽，多重享受。