BV Kitchen (已結業)

早前收到bv 優惠券，於是book左枱今晚去食，準時到達，見到唔算多人，有多少驚是伏。但坐落幾舒服，侍應都十分好人，推薦不同店中美食比我地，絕對無介紹錯！ 兩個人叫左墨汁帶子意粉，一個意大利飯，仲有一定要叫既牛堡包加薯條！果然無失望！個包好夠汁，牛肉七成熟，唔會乾唔會硬，岩岩好成個包！講下個意粉，侍應都無介紹錯，墨汁真係好食，再加上大粒既帶子，好入味道，又食得出鮮味。跟住到個飯，整體都唔錯，不過個人認為咸左少少，唔會好痴又唔會好像粥咁，呢個義大利飯都無失望！另外一提，侍應都送左飲品比我地，我地揀左湯，但只是來左個蘑菇湯(比較中式)，如果比西式一點既湯會更加好！可能觀塘呢間少人知，所以人流唔算多，但講服務態度真係好！值得一食！