掌壽司 (已結業)

今日同女朋友黎到工廈入面嘅掌壽司食omakase🥂 只需$498一位，經Openrice訂座更有九折。✨店舖環境好好，燈光適中亦舒適，每個座位相隔唔會太密，可以好好Enjoy野食慢慢傾計🗣✨員工服務態度十分好，雖然店內員工唔多，但效率好好，定時斟茶、落單等等反應快、好禮貌，而且好仔細介紹每道菜👍🏻和風貝柱沙律：沙律是經典的日式沙律，但用料絕不馬虎，各項材料都好新鮮，其中更有十數粒切粒帆立貝，令沙律昇華。刺身四款：薄切間八魚、牡丹蝦、活北寄貝及廣島蠔。間八魚清甜可口，配上師傅調配、帶有微酸的汁，食落好清新。壽司四款：絲綢、赤幹、活赤貝及海膽魚籽。各款壽司都十分鮮甜，唔點豉油食即可以食出食材最原始的鮮味及魚味。中間的過渡小食—巨鋒提子味車厘茄 頗有驚喜，車厘茄食落十分似真的提子，但嘴嚼數下後卻帶一點酸甜酸甜的茄香，十分特別！😋芝麻雪糕十分濃郁、幼滑。好似食緊芝麻糊咁，再加上黑芝麻粒，增加口感，為呢個omakase畫上完美的句號😄