more food & creation (已結業)

早幾日同老公&兩位朋友去開牛頭角附近，五點零鐘見肚餓就周圍搵嘢食～附近都係以茶餐廳、食堂為主，但呢間餐廳嘅裝潢就好有格調，所以即時比佢吸引咗。雖然喺Openrice未搵到食評，但見佢環境舒適，好適合同好友傾偈聚會，所以最後都決定冒險一試！入到去，侍應生都即時好有禮貌咁接待我哋，仲向我哋推介佢哋不同嘅食品。結果四個人都各自點咗唔同食物，可以試多幾款。我點咗海南雞飯，啲無骨雞好滑又好有雞味，醬汁亦調得好好！老公食嘅冬陰公海鮮炒意粉我都有偷食，真係好特別，平時冬陰公都係湯，但用嚟炒都一樣咁惹味～正！而兩位朋友就分別食白汁碎蛋牛蛋包同冬陰公海鮮湯麵。雖然我無試，但佢哋都大讚！除咗主食，飲品同甜品都值得推介～我哋三個都試咖啡，其中一位朋友就試朱古力，但同樣都覺得好好味！至於甜品--芒果糯米飯同椰汁糕大家食完都盛讚，因為椰汁糕好特別，落咗斑蘭㗎！而芒果糯米飯雖然都係一般咁用咗兩隻糯米，但煙靭得嚟好有口感，令我哋叫完再叫！整體而言，我哋四個覺得呢間餐廳好令人滿意，見佢仲未有人寫食評，就花少少時間做第一個啦！