Non Kitchen

營業中

休息中

同朋友嚟到觀塘區呢一間位於觀塘工廠區嘅餐廳，裏面環境好舒適，位置十分闊落，一入去就俾任食沙律吧吸引，有好多唔同嘅沙律菜、湯、生果可以選擇，仲係無限添加添😍🎈 炭燒紐西蘭西冷牛扒 $178有意外驚喜！通常西冷俾人感覺肉質冇咁嫩，但係呢一隻西冷牛扒食落去好嫩口。叫咗五成熟，生熟程度剛剛好，一啲都唔柴，同埋牛味好出！🎈 炸軟殼蟹黑松露野菌長通粉 $138軟殼蟹好大舊，外脆內軟，炸得啱啱好。長通粉鋪滿黑松露醬汁，個汁偏向濃味，配埋野菌食，口感十足。🎈 朱古力心太軟 跟餐+$48呢個心太軟，即叫即整，上到枱都係熱的。一切開，好濃厚嘅流心朱古力多到湧出黎，再配埋佢嘅雲呢拿雪糕，成個口感好夾！