樂舍 (已結業)

想去觀塘搵happy hour，呢間都算幾抵，20:00前酒類都好平，有一款直頭$99小食加一杯酒，不過今日我哋叫咗啲主食，今晚試咗佢哋嗰石燒，澳洲牛肉眼，上枱原來成份定食，估佢唔到咁抵食，上枱時舊石已經熱辣辣，舊肉眼外皮見佢仲紅紅地，但由於舊石仲係加熱緊，所以如果唔鍾意食得太熟嘅朋友，應該快啲夾起，可以自己控制幾多成熟都幾好玩🥰，另外叫咗個香蒜欖油蝦意粉，意粉質感好煙靭啲蝦又爽又彈牙，而且估佢唔到有咁多隻😂，我哋再叫咗個烤雞泡魚乾送酒，趁熱食嘅時候雞泡魚乾非常香口，好有當年喺韓國食嘅感覺😍再叫咗個黑松露薯條，黑松露混入左薯條嘅油香，真係茄汁都唔需要 🤗