影片
更多
2016-02-27
1065 瀏覽
約埋朋友晚飯吹水，佢就我去觀塘，近年工廠區開了好多西餐廳！我先打電話上去訂位！店員話有位先上去！老實工廠大廈門口幾難搵！比旁邊嘅光鮮大廈吸引晒！ 上到去門口大堂好殘，餐廳入口光鮮！入內感覺開揚，一排木面金屬架嘅桌椅，唔知點解令我唸起學校嘅桌椅！ 窗邊放咗兩套盔甲！當時只有我哋一枱客！慢慢就坐滿咗8成！枱與枱都幾近！ 因為晚餐嘅食材，朋友都唔食！所以我哋揀了兩款主菜再加錢變套餐！加$88變成套餐： 松葉蟹肉南瓜豆蒄湯（餐湯）忌廉拉花靚，南瓜湯幼滑，松葉蟹肉爽口，不過無乜味！可惜湯唔夠熱！ 餐包：餐包細細個兼夠熱！好香麵包香味！裡面夾雜提子乾同合桃！（如果無提子乾會仲好！） 前菜：一盤3款！法國鵝肝配竹炭多士：鵝肝略煎，不過唔夠香，鵝肝太生！多士黑色，烘得夠脆！食唔出竹炭味！可以吸去油！黑醋汁減咗油膩感！焦糖蘋果：一小片，味道幾香！唔會搶過蘋果味道！蘋果多汁清甜！山葵紋甲柳：我唔知乜嘢係甲柳，我睇極都只係似塊放在沙律菜上面嘅魷魚片！好滑唔腥，不過無乜味！沙律菜爽脆，但無乜山葵味！ 西京燒銀鱈魚配紅菜乳酪汁（$168）賣相好靚，鱈魚肉好嫩滑，完全唔腥，加埋伴碟好出色，蘆筍爽脆、蒜頭
上到去門口大堂好殘，餐廳入口光鮮！入內感覺開揚，一排木面金屬架嘅桌椅，唔知點解令我唸起學校嘅桌椅！
窗邊放咗兩套盔甲！當時只有我哋一枱客！慢慢就坐滿咗8成！枱與枱都幾近！
因為晚餐嘅食材，朋友都唔食！所以我哋揀了兩款主菜再加錢變套餐！
加$88變成套餐：
松葉蟹肉南瓜豆蒄湯（餐湯）忌廉拉花靚，南瓜湯幼滑，松葉蟹肉爽口，不過無乜味！可惜湯唔夠熱！
餐包：餐包細細個兼夠熱！好香麵包香味！裡面夾雜提子乾同合桃！（如果無提子乾會仲好！）
前菜：一盤3款！
法國鵝肝配竹炭多士：鵝肝略煎，不過唔夠香，鵝肝太生！多士黑色，烘得夠脆！食唔出竹炭味！可以吸去油！黑醋汁減咗油膩感！焦糖蘋果：一小片，味道幾香！唔會搶過蘋果味道！蘋果多汁清甜！
山葵紋甲柳：我唔知乜嘢係甲柳，我睇極都只係似塊放在沙律菜上面嘅魷魚片！好滑唔腥，不過無乜味！沙律菜爽脆，但無乜山葵味！
西京燒銀鱈魚配紅菜乳酪汁（$168）賣相好靚，鱈魚肉好嫩滑，完全唔腥，加埋伴碟好出色，蘆筍爽脆、蒜頭整個切半，蒜香之餘，蒜肉仲好煙韌，仲有粟米脆片，燒鮮菠蘿好甜多汁！薯仔爽口，連下面墊底嘅薯蓉都好味！不過紅菜乳酪汁就唔啱我口味，雖然顏色好靚！不過紅菜頭味唔突出，乳酪味又唔覺！所以我哋試咗就無點汁食！好在啲汁另上！可以選擇用唔用！
輕煎日本帶子黑松露意大利飯（$128）賣相靚，意大利飯索晒啲湯，飽滿又有咬口，意大利飯重口較膩，幸好有一堆沙律菜，爽脆多汁！帶子厚肉，表面略煎，仲保持鮮甜，只係無乜松露香！
甜品：都係一盤3款！馬卡龍：外脆內軟！但太甜太甜了！
雪葩：酸酸地解膩，如果唔唧底部嘅忌廉會更好！
朱古力慕絲蛋糕：唔知點解整得咁彈牙，似啫喱多過蛋糕！
餐茶：餐飲包嘅飲品款式少伯爵茶：餐飲加$12，夠熱但唔夠香濃！
Latte：朋友飲！拉花靚！
食物水準唔錯！餐廳會將食物食完一份先再上一份！唔會一次過出晒！店員幾細心，一路食到Last order,唔會趕客，會睇住 客人嘅水杯，隔一段就過來加水！又唔覺得騷擾！
喜歡可以放心吹水嘅地方！
張貼
