影片
更多
2017-06-15
208 瀏覽
如果唔係有人帶路，我都唔會識得黎呢度覓食。 餐廳位於工廠區的大廈地舖，估唔到連外國客人都有，果真係民以食為天。各就各位，開餐~烤和牛粒配柚子醬油汁＄88兩串，每串三粒。帶有少少燒烤嘅味道，牛味唔太濃，但肉汁豐富，嫩滑冇渣。柚子醬油汁味道亦唔太出，只有好淡柚子味，另外有半個青檸，想味道清新啲，可以自行加啲青檸汁。係我期望過高?! 呢個只可以話係合格水準。水牛城辣雞翼＄68五隻，香辣得黎又唔會過辣，仲帶少少甜味同酸味，味道層次豐富，令到我想一隻接一隻嘅衝動。大大隻好飽滿，醬汁味濃夠入味。雜錦海鮮意大利飯＄138，材料足份量夠，蝦、帶子、蜆肉、青口、洋蔥，仲有好多好多三文魚籽，令成個飯都鮮甜美味。意大利飯粒粒分明，沾滿醬汁，煙韌有咬口。可惜飯粒略嫌未夠火候，有少少過硬，要扣少少分，相信再煮多一兩分鐘會更好。燒美國肉眼扒10安士$248，呢個係超好食，一上枱已經好香燒烤嘅味道，燒烤格紋清晰可見。牛味香濃，肉汁豐富，入口嫩滑。呢個比起「烤和牛粒配柚子醬油汁」仲好食好多，而且十安士，真係大滿足，個人覺得好抵食。燒日本穀飼有骨豬鞍$218，日本穀飼豬出名天然飼養，保留左豬肉嘅天然鮮味，肉質特別細嫩軟
烤和牛粒配柚子醬油汁＄88兩串，每串三粒。帶有少少燒烤嘅味道，牛味唔太濃，但肉汁豐富，嫩滑冇渣。柚子醬油汁味道亦唔太出，只有好淡柚子味，另外有半個青檸，想味道清新啲，可以自行加啲青檸汁。係我期望過高?! 呢個只可以話係合格水準。
烤和牛粒配柚子醬油汁
14 瀏覽
0 讚好
0 留言
水牛城辣雞翼＄68五隻，香辣得黎又唔會過辣，仲帶少少甜味同酸味，味道層次豐富，令到我想一隻接一隻嘅衝動。
水牛城辣雞翼
7 瀏覽
0 讚好
0 留言
雜錦海鮮意大利飯＄138，材料足份量夠，蝦、帶子、蜆肉、青口、洋蔥，仲有好多好多三文魚籽，令成個飯都鮮甜美味。
雜錦海鮮意大利飯
15 瀏覽
0 讚好
0 留言
燒美國肉眼扒10安士$248，呢個係超好食，一上枱已經好香燒烤嘅味道，燒烤格紋清晰可見。
燒美國肉眼扒10安士
3 瀏覽
0 讚好
0 留言
燒日本穀飼有骨豬鞍$218，日本穀飼豬出名天然飼養，保留左豬肉嘅天然鮮味，肉質特別細嫩軟滑。
燒日本穀飼有骨豬鞍
3 瀏覽
0 讚好
0 留言
扒類可以揀$38配菜一款，除左成日食嘅炸薯條，仲可以揀自家制椰菜沙律、忌廉粟米、焗芝士通心粉，可以多啲配搭。
最後叫餐飲，睇晒四頁drink list，三頁幾都酒精飲品，冇熱飲。問店員有冇熱飲，佢話有一般咖啡或茶等普通熱飲，仲有四款特式茶，每壺$48，跟住就攞左一籃特式茶葉俾我，等我慢慢揀。
四種茶分別係Grand Earl Grey、Mona Lisa、Couleur Chocolat、The Des Vacances。Couleur Chocolat都幾得意，除咗有朱古力味道之外，仲有一粒粒朱古力，唔知咩味架呢? 但我最後揀左Mona Lisa，因為佢有一種好甜美嘅香氣，但又唔似人造味道，幾吸引。一上枱都幾大壺，店員仲好醒目咁俾左四個杯我地Share黎試吓。飲落去幾舒服，只有香味，冇甜味，去油解滯。
Mona Lisa
26 瀏覽
0 讚好
0 留言
KANOM $48，入面有菠蘿汁、橙汁、紅莓汁，仲有新鮮檸檬、橙、青檸，清新酸甜，好醒神。
KANOM
0 瀏覽
0 讚好
0 留言
估唔到假日黎到工廠區嘅餐廳都坐滿客，更估唔到呢度食物質素都幾高，又一新體驗~~
張貼
