掌壽司 (已結業)

早排陪阿媽去觀塘買乾貨就順便喺附近嘅駱駝漆食lunch哩間壽司店環境都幾寬落 有氣氛最近做午市堂食8折外賣仲有半價優惠tim ！🔸壽司定食（$138）有六貫壽司、蟹膏蟹籽飯、沙律、茶碗蒸、湯蟹膏蟹籽飯非常香濃又唔腥，咸香十足，份量多。茶碗蒸好滑溜，有高湯香甜，唔錯。壽司有池魚、油甘魚、帶子、蝦、三文魚、魷魚，魚生都好新鮮，肉質彈牙，而且個醋飯都好食，煙韌有咬口。🔸蒲燒鰻魚定食（$98）鰻魚肥美，都幾厚身，質地軟綿，燒得香甜，送飯一流！伴碟嘅炒蔬菜，甜甜地、微辣、香麻油，有少少韓國包飯入面嘅餡料咁都幾惹味。食飽仲有雪糕食Tim☺️