華香雞 (已結業)

話說之前成日同男朋友黎觀塘食好西，都留低左唔少腳毛。隔左咁耐，重遊舊地，而今次就搵到工廠大廈入面一間出名食雞既飯堂🐥飯堂地方好大，啱曬附近番工既人lunchtime黎，可以一大班同事/朋友一齊坐。另外仲有私人房，今晚就係有人book左仲預訂左全部例湯，我地想試都冇得試添🙈出面落雨凍冰冰，入到開左壺茶歎住點菜。茶壺仲要係傳統既公雞🐓。食物就叫左個黃薑飯同鍋炒米粉啦。先黎張大合照😉食物上枱速度幾快，等齊全部食物都唔洗好耐。我叫左招牌華香雞配炒米粉。華香雞肉質結實，雞皮好滑😍煎米粉由大木筒上枱，好懷舊既感覺。米粉配有蛋，椰菜同蘿蔔絲，更加有口感唔會得米粉太寡。而且米粉底煎得脆脆，好香口👍蠔仔炒蛋鍋😍😍唔食就走寶啦。熱辣辣出爐既蠔仔蛋😘蠔仔份量超多好足料，蛋亦蒸得滑luuluu，唔似媽媽蒸d蛋咁鞋身😂送米粉同飯都無得彈呀男朋友叫既薑蔥白鱔配黃薑飯估唔到哩度都會有白鱔食，一揭開蓋即刻有好香㬙薑蒽味。白鱔份量都唔少，夠餸食完碗飯，蒸白鱔都好新鮮，叫左比較清淡既煮法都唔會有魚腥味。另外就係招牌既黃薑飯，食落有陣陣既薑味，最適合係冬天凍凍既天氣，暖一暖胃。整體而言，性價比CP值高👍🏻