嘉嘉餐廳 (已結業)

今日因工作關係要到柴灣附近的工廠大廈工作，話咁快就到午餐時間，就喺樓下間快餐店搞掂就算。呢間工廈茶餐廳都算出名，我喺好多其他地方嘅工廠大廈都見到有佢哋嘅分店。點左個三送湯麵食。三個餸分別係鯇魚腩、芝士腸，同埋豬肉丸。老實講嗰三個餸味道就認真一般，唔算係美食，只不過伴隨熱辣辣嘅湯餸上面，係呢個初冬嘅時候分外美味。而小弟最欣賞嘅就係佢呢一個出前一丁公仔麵，最最最最重要嘅係唔使額外加兩蚊，值得支持！