慕茶 (已搬遷) 新店位置

呢排睇雜誌成日都見到觀塘好多特色餐廳, 之前成日聽朋友話有間餐廳專食茶類食物，今日心血來潮決定黎勇闖工業大廈。慕茶係響觀塘apm附近既一幢工業大廈入面，我抱住戰戰兢兢既心上去，真係帶比我無限驚喜。首先，呢個抹茶鮮蝦意粉，唔好以為d意粉係用抹茶造，其實係將抹茶粉變成醬汁佈滿響每條意粉上面，完全感受到店家無偷工減料，因為真係食到成個口都充滿抹茶既味道,創意滿分。意粉上仲有一隻生雞蛋比你將佢溶合響意粉入面，令麵更香更滑。之後上場既係呢個令人期待左好耐既大堆頭組合:有脆皮手卷，蒜香雞翼同薯角。一定係我影相影太耐既關係，脆皮手卷變得無咁香脆，我真係浪費左廚師既心意，所以我建議大家一到就好即刻食喇! 蒜香雞翼炸得恰到好處，唔會食到成口油/覺得好熱氣。薯角係全晚既主角，因為呢樣真心好食，外脆內軟，上面仲佈滿芝士粉同煙肉粒，更加惹味！最後上場既係伯爵茶心太軟，店員仲會響上桌前比你揀一種味道既雪糕，而我就揀左大部分女仔都應該鐘意既玫瑰味。一上桌我地就急不及待切開，店家掌握好烤焗的時間，無令蛋糕內既茶漿凝固，裏面既伯爵茶漿慢慢流出，傳來陣陣茶香。玫瑰雪糕為呢個心太軟錦上添花，雪糕幼滑，帶有淡淡玫瑰芳香，配