伙食工業 (已結業)

工業邨入面其實都有幾間靚cafe，一入門口就比佢既裝修打動到，雖然係cafe，但工業風既設計加埋間中會隱約聽到出面既環境聲，反而令到整體環境更加舒服自在，減少左一般Cafe過分寧靜既焗促感，呢度空間亦非常大，係可以好好咁坐下食餐飯既好地方🤗🤗Lunchset比想像中平，大部分都五十幾包埋茶啡，加錢可再轉特飲。美祿恐龍本身美祿底已算濃郁，飲到尾再將面頭既美祿粉mix埋一齊飲，有三種朱古力蛋糕既濃厚感覺，一定要試。台式鹽水雞飯凍食，味道足，不太油膩，幾啱輕口味人士試。台式香酥雞排麵湯頭清甜，麵底彈牙，唔錯。雞排炸得好香脆，鹹度ok，有啲過辣，要配麵/飯食既辣度。