Homy Cafe (已結業)

開業好幾年都唔係第一次黎，今次再黎水準依然保持到。餐廳一直播住柔和結他音樂，配上美食，氣氛唔錯，同出面既水貨街有一種對比，雖然都因為疫情而倒閉左好多間。見午市餐牌有85折，就叫左個香辣海鮮意粉，開頭望落以為份量好少，但食落又覺得剛剛好。色香味俱全，辣味唔會過火，好開胃，意粉軟硬適中，蝦仁爽脆。配埋杯味道清新嘅荔枝玫瑰梳打，perfect！另外叫咗個Tea set係煙肉牛肉芝士漢堡配薯條，開頭以為細細個會唔夠飽，薯條都係幾條。但食食下又okie，薯條又熱又外脆內軟。杯岩鹽焦糖咖啡好好飲，可能因為我好甜。食完嘅時候坐喺度傾吓計聞到好香嘅窩夫味，下次有機會再試埋佢。