熨烤達人 (已結業)

今日女友話想食韓國野，上網搵左呢間一戰。門面光鮮特別，入到去都好有特色，懷舊工業風。我地已經預早6點食晚餐，餐廳已經有唔少人，人氣旺。餐牌圖文並茂，好多選擇，有韓燒，有韓菜。一場黎到，緊係咩都試下。另外佢d 菜名都好過癮特別。平時好少食韓燒，完全唔識點搞個鐵板，落料同點食。個侍應十分好人，好耐心咁教我地先落蛋同芝士，之後點d 蛋汁食。點左一客特級雪花牛，真係物有所值。勁有牛味，又淋，勁好食。加埋d 芝士蛋汁，一流呀。仲有個真露煮蜆，d 蜆鮮味一流。份量唔少。叫左一個特別野，大園手攪飯，未見過未試過。有得玩又有得食。食落好試d 沙律飯，太大份量，一個人食唔晒架，記得叫多d 人去試。另外試埋個韓式飯，汁咪濃，好味，份量ok。最後建議大家叫多幾個人一齊食，今次得我地2個人，真心試唔到好多野，因為佢好多好多菜式都好似好吸引，而且份量偏大，抵食。