醉美島 (已結業)

今日去開元朗搵食，發現左呢間新開食辣既鋪頭，見鋪頭都好多人食，每枱都會叫個海鮮鍋，熱辣辣既味道，吸引左我地入呢間叫醉美島既餐廳試下🌟香辣海鮮鍋$398每枱必點既香辣海鮮鍋，見到好大隻肉蟹係到已經好興奮，肉蟹食落就知新鮮，肉質結實，味道鮮甜，除此之外入面仲有蝦，鮑魚同魷魚，另外仲有啲豆卜，萵筍索汁既配菜，而辣湯夠味之餘又唔會搶曬海鮮既鮮味，不過如果中意食辣，不妨可以叫大辣試下。🌟惹味臭豆腐串$20🌟魷魚板串$26🌟雞皮2串$28🌟川燒牛串$28🌟惹味牛舌$38🌟韭菜$28除左海鮮鍋之外我地仲叫左串燒，呢到既串燒全部新鮮燒起，左一啖串燒，右一啖辣鍋，一個字爽！同埋店鋪好細心準備埋串燒保暖既爐，唔怕掛住食辣鍋，就算串燒食唔切都唔會凍曬。本身串燒調味都已經好好食，想再重味仲有辣粉、孜然粉可以自己再加。🌟百香果沙冰$38食熱氣野點可以少得沙冰，百香果酸酸甜甜，清爽得黎又十分解渴，仲要好大杯，正！最後埋單仲送左張$50現金卷，下次食滿$500又可以用，可以再試多啲唔同款既串燒。📍元朗鳳攸南街3號好順景大廈地下10號舖