Neighbor (已結業)

自從公司搬咗之後少咗過嚟銅鑼灣食飯，今日趁著情人節前夕，同Baby來撐枱腳，樓下門面就有特色嘅台灣飲品，樓上雅座又係另一片天，食物質素挺不錯！巴馬火腿蜜瓜沙律油醋汁 $88前菜食啲健康清新嘅，味道鹹香的巴馬火腿配上鮮甜爽脆的蜜瓜，沙律菜夠晒纖維，加上健康的油醋汁作調味，啱晒女生口味。炭燒和牛配三文魚籽 $68跟住來一個重口味嘅小食，蒜香味好濃郁，炭燒和牛質素唔錯，牛肉味香而且入口即溶，細細粒放入口容易食。配三文魚籽粒粒晶凝通透，入口有爆汁嘅感覺。原個南瓜海膽海鮮飯 $158一嚟到嘅時候我Baby就將佢切成一個米奇老鼠的外型，可愛到呢！原個南瓜造型有氣勢，令到飯嘅溫度更加保溫，確實有新鮮嘅南瓜肉香甜美味；海膽一啲都唔吝嗇，鋪滿左半個南瓜頂；海鮮有帶子、兩隻大虎蝦同埋青口好彈牙；飯吸收晒整個海鮮嘅精華汁，口感 creamy & juicy 。珍寶牛肉漢堡 $148珍寶size 中間有蕃茄菠蘿小清新感覺，牛肉肥瘦均勻肉汁滿滿，漢堡配搭粗薯條真係無得輸。今晚以水果茶同埋 smoothie 代替甜品，美好水果四季春 $42；芝芝芒芒雪沙 $34；兩杯飲品除咗外型賣相都好正之外，內涵一樣甜蜜美味。