巧　すしたくみ (已結業)

旺角呢間壽司店有長長既吧枱，今次好彩坐到可以睇住師傅整壽司喼。除左多款壽司盛合同埋海鮮丼外，呢度仲有得食omakase架，選擇豐富。𖦹 豐州壽司盛合 $318由廚師精選12件壽司，包括大拖羅、赤身、海膽、帶子、松葉蟹、帆立貝、赤蝦、油甘魚、墨魚、玉子等，全部都非常新鮮。大拖羅油脂甘香味突出，海膽鮮甜唔腥，松葉蟹棒啖啖肉，大滿足。𖦹 北海道三文魚籽手卷 ＄ 48三文魚籽晶瑩飽滿，如果紫菜再脆d就好。𖦹 二色鰻魚丼＄188香氣撲鼻，鰻魚魚肉軟腍滑嫩。𖦹 鯛魚白子 ＄98口感綿密柔滑，入口即融，與辣蘿蔔蓉一同食用，味道豐厚。