影片
更多
2017-08-28
270 瀏覽
放工約班姊妹去尖沙咀搵好野食, 之前成日食西餐, 今次就轉口味搵左間四川菜試下先!涼伴心美:係紅菜頭切絲, 食落酸酸地, 幾開胃, 食左辣野又可以中和下, 係幾好嘅選擇!果皇榴槤雞煲:本身我係唔食榴槤, 亦從來無食過嘅, 之前一入門口已經見到佢嗰張果皇榴槤雞煲嘅POSTER, 個心已經驚驚地, 好怕會聞到好勁嘅榴槤味, 但坐低左又唔覺喎, 由於我班姊妹想食, 所以就點左個黎試, 聞落去嘅味又無我想像中咁差, 而我本身又勁鐘意食雞煲嘅, 所以我決定突破下自己, 勇敢D去試下新野, 一食落又覺得OK喎, 味道有D果香嘅甜味, 配合埋雞肉又幾夾喎, 又唔會蓋過雞味, 唔會好似其他雞煲咁得個辣字, 感覺係幾清新幾驚喜! 魚牧沸騰魚:嘩,睇相好似好勁咁, 成盤辣椒紅噹噹, 一黎到個SIZE仲比我預計中大, 哈哈, 好抵食, 侍應仲好貼心咁問我地使唔使幫我地夾起辣椒, 原來因為會愈浸愈辣架, 除左魚肉之外, 仲有我最愛嘅薯粉同海帶, 味道唔算好辣 (因為我地夾起左辣椒), 魚肉仲幾滑幾嫰, 味道麻麻香香咁, 加埋薯粉煙煙韌韌咁, 好正! 而度仲有好多唔同款式嘅燒魚, 鐘意食魚嘅人黎到一定好開心!!
涼伴心美:
係紅菜頭切絲, 食落酸酸地, 幾開胃, 食左辣野又可以中和下, 係幾好嘅選擇!
涼拌心𥚃美
29 瀏覽
0 讚好
0 留言
果皇榴槤雞煲:
本身我係唔食榴槤, 亦從來無食過嘅, 之前一入門口已經見到佢嗰張果皇榴槤雞煲嘅POSTER, 個心已經驚驚地, 好怕會聞到好勁嘅榴槤味, 但坐低左又唔覺喎, 由於我班姊妹想食, 所以就點左個黎試, 聞落去嘅味又無我想像中咁差, 而我本身又勁鐘意食雞煲嘅, 所以我決定突破下自己, 勇敢D去試下新野, 一食落又覺得OK喎, 味道有D果香嘅甜味, 配合埋雞肉又幾夾喎, 又唔會蓋過雞味, 唔會好似其他雞煲咁得個辣字, 感覺係幾清新幾驚喜!
果皇榴連雞煲
33 瀏覽
0 讚好
0 留言
魚牧沸騰魚:
嘩,睇相好似好勁咁, 成盤辣椒紅噹噹, 一黎到個SIZE仲比我預計中大, 哈哈, 好抵食, 侍應仲好貼心咁問我地使唔使幫我地夾起辣椒, 原來因為會愈浸愈辣架, 除左魚肉之外, 仲有我最愛嘅薯粉同海帶, 味道唔算好辣 (因為我地夾起左辣椒), 魚肉仲幾滑幾嫰, 味道麻麻香香咁, 加埋薯粉煙煙韌韌咁, 好正! 而度仲有好多唔同款式嘅燒魚, 鐘意食魚嘅人黎到一定好開心!!!
魚牧沸騰魚
40 瀏覽
0 讚好
0 留言
杏汁豬肺湯:
豬肺湯好少會係屋企整, 因為清洗比較花時間同功夫, 所以屋企人就算好鐘意煲湯都無幾可會整, 哈哈, 而杏汁豬肺湯除左好味仲有養顏潤肺既功效, 好適合女仔飲! 而呢個杏汁豬肺湯都無令我失望, 一黎到已經聞到好香嘅杏仁味, 而且足料清甜, 推介呀!
杏汁豬肺湯
24 瀏覽
0 讚好
0 留言
生津梅子冰:
四川菜咁多辣野, 我次次都要飲好多汽水, 不過飲得多又成肚氣食唔到野, 好彩而呢度有另一個選擇, 就係生津梅子冰啦, 味道酸meme又唔會太甜, 幾開胃又可以中和下口腔嘅辣味, 讚!
生津梅子冰
12 瀏覽
0 讚好
0 留言
總括而言, 呢度環境裝修都唔錯, 價錢又合理, 坐得又舒服, 其實除左川菜辣野之外, 仲有D唔辣嘅京菜選擇, 例如有好多唔同款式嘅雞煲, 燒乳豬, 片皮鴨咁, 我仲有好多野想試呀, 所以我下次會再黎!
張貼
