影片
更多
2021-04-23
316 瀏覽
早幾年朗屏站後只有住宅，四周一片荒蕪。估唔到今時今日已改頭換面，不少商舖食肆進駐，發展成一個小區。霓虹燈招牌閃耀奪目，作為真·香港人第一時間就俾呢間港式點心吸引住。元朗區其實有唔少夜茶飲，但精緻嘅新式點心就唔多；好似餐牌上嘅西多士、茄湯鮮竹卷、青咖喱鹹水角、牛油果春卷，令人不禁遐想新舊兩派可以擦出點樣嘅火花🤪款款都想試呀！普洱、香片、鐵觀音、壽眉盛惠$5/位，抵到爛，店員周不時埋嚟主動加水，服務滿分💯點心一籠兩件，可以試多幾樣，啱哂伴侶嚟撐枱腳，飲茶唔再係一大群人嘅事。燒賣王大大粒，面層係墨魚滑，爽口彈牙；內裡包有豬肉，兩種不同肉質軟嫩爽滑交雜，好食👍🏻菜苗餃比一般坊間嘅juicy，菠菜充滿水份，吸收哂鮮蝦嘅鮮味，比蝦餃又多咗個層次。茄子稔軟厚身，淋上燒汁同木魚更提鮮；茄子釀咗蝦肉再炸，有啲似煎釀三寶，但食落又完全唔油，值得一試。春卷外皮炸得鬆化香脆，內餡為菠蘿、蘆薈、蜜桃同沙律醬，酸甜清爽，加上牛油果增添咗陣獨特嘅油香，不過6嚿得1嚿有，如果再多啲就更好🤣🙈秋葵碧綠鮮嫩，爽脆無渣，配上芝麻醬，偏向日式感覺。最尾嚟多件西多做甜品～菜如其名，一切開蛋黃流沙餡如瀑布湧出，邪惡爆燈😈西多士外
早幾年朗屏站後只有住宅，四周一片荒蕪。估唔到今時今日已改頭換面，不少商舖食肆進駐，發展成一個小區。
霓虹燈招牌閃耀奪目，作為真·香港人第一時間就俾呢間港式點心吸引住。
元朗區其實有唔少夜茶飲，但精緻嘅新式點心就唔多；
好似餐牌上嘅西多士、茄湯鮮竹卷、青咖喱鹹水角、牛油果春卷，令人不禁遐想新舊兩派可以擦出點樣嘅火花🤪款款都想試呀！
普洱、香片、鐵觀音、壽眉盛惠$5/位，抵到爛，店員周不時埋嚟主動加水，服務滿分💯
6 瀏覽
0 讚好
0 留言
點心一籠兩件，可以試多幾樣，啱哂伴侶嚟撐枱腳，飲茶唔再係一大群人嘅事。
燒賣王大大粒，面層係墨魚滑，爽口彈牙；內裡包有豬肉，兩種不同肉質軟嫩爽滑交雜，好食👍🏻
菜苗餃比一般坊間嘅juicy，菠菜充滿水份，吸收哂鮮蝦嘅鮮味，比蝦餃又多咗個層次。
木魚燒汁茄子
$25
8 瀏覽
0 讚好
0 留言
茄子稔軟厚身，淋上燒汁同木魚更提鮮；茄子釀咗蝦肉再炸，有啲似煎釀三寶，但食落又完全唔油，值得一試。
牛油果沙律春卷
$25
5 瀏覽
0 讚好
0 留言
麻醬秋葵
$22
3 瀏覽
0 讚好
0 留言
瀑布流沙西多士
$30
5 瀏覽
0 讚好
0 留言
西多士外皮金黃香脆，用咗薄方包同鹹香十足嘅流沙，比傳統煉奶花生醬食起嚟冇咁甜膩，更香口惹味。
估唔到飲茶都可以食到出色嘅西多，而且款款點心都即叫即人手製作，上枱熱辣辣👍🏻🥳🥳
呢間絕對值得一飲再飲‼️
張貼
