影片
更多
2022-03-18
277 瀏覽
初步確診腸胃炎，明明無食過野但都由朝疴到晚，邊得黎咁多野疴！平時飲生力清都瀉瀉地，口痕撞罐獅威疴到反肚，強力瀉藥！早午晚宵夜一餐過，想食碗粥加粉麵加小食清清腸胃暖暖個胃。蝦那吃她肚仔好餓！日漸消瘦的節奏。轉眼已夜幕低垂，黃昏 6 點半倒碗麵落肚再開工，辣能減壓能舒緩能給點愉快感！本來人家想食潮和興滷肉撈麵，誰知整間店已被阿伯阿叔攻佔，路過苑記整碗靚牛先！自己入座坐低 10 分鐘無人理，叫阿伯寫單不啋不應行開當睇唔到，永不錄用永久刪除不再幫襯！四眼佬收銀拉底口罩挖鼻屎，再直接找錢比我，您叫我攞定唔攞好，立即狂唧消毒啫喱搓手！腐乳通菜，最愛翠綠水通，熟油香香的，菜甜乳鮮，多汁爽嫩。蠔油菜芯，少少菜甜一般般不夠鮮嫩，免強合格。牛雜伊麵，苑記牛雜永無甩拖！款款入味芬芳，爽爽金錢肚不過腍，彈彈牛腸嫩嫩脂優，綿綿牛膀甘甜美妙，軟軟牛肺不腥臭。完整伊面嚥韌長啜長有，拖著靚湯捲著牛雜，在嘴仔內融合發揮極致！辣椒油香辣兼備刺激暢快，大大啖啜過不停！牛肚牛腩河粉，賣相吸引齊齊整整排得靚靚。爽甜滷香金錢肚，河粉夾肚夾腩齊趙同樣滋味。師傅醒排坑腩我嘆，鬆軟肥美嫩嫩的！沒有投訴的機會。最愛優質幼河粉，綿滑完整拖
蝦那吃她肚仔好餓！日漸消瘦的節奏。轉眼已夜幕低垂，黃昏 6 點半倒碗麵落肚再開工，辣能減壓能舒緩能給點愉快感！本來人家想食潮和興滷肉撈麵，誰知整間店已被阿伯阿叔攻佔，路過苑記整碗靚牛先！
自己入座坐低 10 分鐘無人理，叫阿伯寫單不啋不應行開當睇唔到，永不錄用永久刪除不再幫襯！四眼佬收銀拉底口罩挖鼻屎，再直接找錢比我，您叫我攞定唔攞好，立即狂唧消毒啫喱搓手！
腐乳通菜，最愛翠綠水通，熟油香香的，菜甜乳鮮，多汁爽嫩。蠔油菜芯，少少菜甜一般般不夠鮮嫩，免強合格。
牛雜伊麵，苑記牛雜永無甩拖！款款入味芬芳，爽爽金錢肚不過腍，彈彈牛腸嫩嫩脂優，綿綿牛膀甘甜美妙，軟軟牛肺不腥臭。完整伊面嚥韌長啜長有，拖著靚湯捲著牛雜，在嘴仔內融合發揮極致！辣椒油香辣兼備刺激暢快，大大啖啜過不停！
牛肚牛腩河粉，賣相吸引齊齊整整排得靚靚。爽甜滷香金錢肚，河粉夾肚夾腩齊趙同樣滋味。師傅醒排坑腩我嘆，鬆軟肥美嫩嫩的！沒有投訴的機會。最愛優質幼河粉，綿滑完整拖著大量香濃湯汁，仲有陣陣果皮味。無乜邊間我連辣椒油都放棄不用，原汁原味色香味俱全！
凍奶茶少甜，奶味撞茶恰似雲尼拿味道。凍檸樂，有支裝當然飲支裝，怕甜的我要多多冰，檸味醒胃透心涼。凍檸茶走甜，酸中帶澀鮮檸味，茶膽晶凝清新。凍齋啡走甜，基本茶記帶酸帶澀實屬正常，我只想濕濕口可以接受。
紫菜魚蛋伊麵，思前想後辣定唔辣，怕肚仔痛就食原味吧！魚蛋好食過香港仔，微彈微削陣陣魚香。魚片滑滑外皮香口，不太薄更有咬口，厚薄恰到好處。湯汁充滿紫菜惹味差點全部喝掉，爽彈伊麵完整長長大啖吸啜，搭著脆身紫菜舒服暢快！
炸醬麵，甜甜強烈陣陣辣味似回鍋肉，乾韌鞋彈瘦肉絲，給多點牙力罷！耐心撈得均勻，每條爽麵都染成亮麗橙色，濕潤啜入迅間消滅！牛膀牛腸伊麵，牛腸有著香濃滷水味，清爽不濁不過份，先彈後滑夠肥美舔舔脷，伴碟菜葉只甜不腥，爽嫩多汁過足癮，湯汁醇厚肉甜汁香抗拒不了！
牛雜撈粗麵，牛膀、牛腸、牛肺、牛生瓜、金錢肚。撈勻蠔油味道濃烈，狂隊辣椒油不停吸啜，滑嘟嘟彈彈粗麵十分豪邁奔放！雲吞牛筋麵，濃郁肉味滷水湯混埋大量辣椒油，香辣誘惑忍不住灌多幾口，事後太勁渴咯！巨型雲吞緊緊免強可以一口塞入！滑皮包濃味蝦，微爽帶汁。黏軟濃筋不硬不爽，愛滑腍綿的我感到喜歡。
豬手撈伊麵，何解所有撈麵都加蠔油？其實豬手有汁不用蠔油吧，嘆完骨膠原靚晒！豬手有少少肉有皮有筋真開心，膠黏滑豬皮，爽脆豬筋，濃郁芳香滷水，損腳趾都格外高興！伊麵保持微彈完整可以一氣呵成啜啜啜，滷水汁撞蠔油味道獨特而濕濕的，撈麵理應做得乾爽啊。
切雞湯河，湯底好甜一滴不漏灌落肚清得乾乾淨淨。河粉長長滑溜到用筷子都夾唔起，連湯帶粉掃入口更豪快！雞皮有刺還充滿肥膏掉丟！雞髀兩大件彈滑鮮甜，雞胸一件綿綿多汁，雞翼滑滑估您唔到。
叉燒腸粉，眼測腸皮薄到半透明有料到！技巧直迫陳漢記。夾起原來只係將叉燒粒包係最外層，底部腸粉依舊棉胎般厚。染色醃製叉燒，不是真燒叉燒，少了份焦香及肉甜，捲得結實不散配埋甜豉油一啖一條，整體滑滑還不錯。
蠔豉皮蛋瘦肉粥，嬰兒蠔豉？吉品蠔豉？迷你版散發雪藏味。何解味道似蝦米既？跟和暢金廚甘甜大隻金蠔無得比。重手落足料，粥底濃稠厚厚，大量肉絲搭半隻皮蛋，滾熱辣灌入嘴仔，粥底肉味香甜，皮蛋黃甘香帶黏。
薑蔥絲辣椒豉油，其實不用額外再來薑蔥絲豉油，本身已經撈得非常多的了！爽滑魚皮，不要誤會是刺身，其實一早灼熟浸冰水，所以魚皮變得晶凝通透，淋上大量花生麻油薑蔥絲辣椒豉油立即上枱！估唔到份量勁多超多魚皮，是我唯一食得到的生薑蔥椒絲菜色。爽脆微暖魚皮，捲著生薑蔥椒絲滾滿麻油豉油，質素平實。
酸菜魚米線，竟然係廚房出貨，還以為由粉麵部煮理，討厭腍啤啤的米線。魚片鞋烚烚勁多骨，不嫩不滑不彈！我要食米線唔係芽菜，最憎芽菜！花大量時間慢慢挑走，揀到我死！半碗都係芽菜仲要有保護色。湯底味道酸酸辣辣，濃郁可口。
紫菜魚蛋伊麵
6 瀏覽
0 讚好
0 留言
凍檸茶走甜
4 瀏覽
0 讚好
0 留言
炸醬麵
15 瀏覽
0 讚好
0 留言
炸醬麵
6 瀏覽
0 讚好
0 留言
凍檸茶走甜
9 瀏覽
0 讚好
0 留言
牛膀牛腸伊麵
4 瀏覽
0 讚好
0 留言
牛膀牛腸伊麵
2 瀏覽
0 讚好
0 留言
辣椒油
3 瀏覽
0 讚好
0 留言
牛雜撈粗麵
29 瀏覽
0 讚好
0 留言
牛雜撈粗麵
15 瀏覽
1 讚好
0 留言
辣椒油
4 瀏覽
0 讚好
0 留言
凍奶茶少甜
1 瀏覽
0 讚好
0 留言
雲吞牛筋麵
1 瀏覽
0 讚好
0 留言
雲吞牛筋麵
2 瀏覽
0 讚好
0 留言
凍齋啡走甜
6 瀏覽
0 讚好
0 留言
豬手撈伊麵
19 瀏覽
0 讚好
0 留言
豬手撈伊麵
2 瀏覽
0 讚好
0 留言
辣椒油
8 瀏覽
0 讚好
0 留言
切雞湯河
2 瀏覽
0 讚好
0 留言
切雞湯河
119 瀏覽
0 讚好
0 留言
叉燒腸粉
129 瀏覽
0 讚好
0 留言
蠔豉皮蛋瘦肉粥
70 瀏覽
0 讚好
0 留言
蠔豉皮蛋瘦肉粥
2 瀏覽
0 讚好
0 留言
薑蔥絲辣椒豉油
4 瀏覽
0 讚好
0 留言
爽滑魚皮
19 瀏覽
0 讚好
0 留言
爽滑魚皮
8 瀏覽
0 讚好
0 留言
酸菜魚米線
6 瀏覽
0 讚好
0 留言
酸菜魚米線
6 瀏覽
0 讚好
0 留言
酸菜魚米線
3 瀏覽
0 讚好
0 留言
張貼
