影片
更多
2016-04-21
1483 瀏覽
兩個女仔，有咩開心得過一齊去食下午茶傾個夠本？今日去到DALLOYAU，就過左一個好愉快既下午！餐廳今期做緊Chocolate Afternoon Tea，二人份$536，睇下有咩食啦：下午茶係成set上既，鹹甜美點都有，我由上層開始食起，先黎兩款三文治，「鮮龍蝦黑松露軟包」，龍蝦新鮮，同加入左黑松露既沙律醬好夾，香噴噴好好味；「煙三文魚芝士三文治」，魚肉有油香，麵包夠鬆軟，好味。「南瓜酥皮批」，唔會好似中式酥皮咁油膩，質感腍腍地，入面係甜甜地既南瓜，帶少少檸檬味，幾清新既味道。「法式鵝肝三文治」，面層係好香既鵝肝醬，下面係甜甜既蛋糕，側邊係果jam，鹹中帶甜，口感特別；而這一小件，亦正好係鹹甜點既交界，幹掉呢件就可以開始食甜品啦。「香濃朱古力泡芙」，朱古力味極濃，口感軟滑，唔會過甜。食完粒咁濃既朱古力泡芙，食呢粒帶微酸既「杏桃奶酪慕絲」就最啱，可以清一清味蕾。「層層榛子蛋糕」係我既另一推介，食落去好似金莎+樂家杏仁糖咁，底層好脆口，非常美味！「綠茶歌劇院蛋糕」，數過有成七層咁多，抹茶味好突出，朱古力同忌廉都夠香滑。Tiramisu記得唔好太遲食，否則會出水。我鍾意面頭既朱古力粉，帶少
餐廳今期做緊Chocolate Afternoon Tea，二人份$536，睇下有咩食啦：
下午茶係成set上既，鹹甜美點都有，我由上層開始食起，先黎兩款三文治，「鮮龍蝦黑松露軟包」，龍蝦新鮮，同加入左黑松露既沙律醬好夾，香噴噴好好味；「煙三文魚芝士三文治」，魚肉有油香，麵包夠鬆軟，好味。
「南瓜酥皮批」，唔會好似中式酥皮咁油膩，質感腍腍地，入面係甜甜地既南瓜，帶少少檸檬味，幾清新既味道。
「法式鵝肝三文治」，面層係好香既鵝肝醬，下面係甜甜既蛋糕，側邊係果jam，鹹中帶甜，口感特別；而這一小件，亦正好係鹹甜點既交界，幹掉呢件就可以開始食甜品啦。
「香濃朱古力泡芙」，朱古力味極濃，口感軟滑，唔會過甜。
食完粒咁濃既朱古力泡芙，食呢粒帶微酸既「杏桃奶酪慕絲」就最啱，可以清一清味蕾。
「層層榛子蛋糕」係我既另一推介，食落去好似金莎+樂家杏仁糖咁，底層好脆口，非常美味！
「綠茶歌劇院蛋糕」，數過有成七層咁多，抹茶味好突出，朱古力同忌廉都夠香滑。
Tiramisu記得唔好太遲食，否則會出水。我鍾意面頭既朱古力粉，帶少少苦澀，令甜品既甜度好適中。
因為係朱古力主題，所以鬆餅除左有原味，仲有朱古力味。伴住鬆餅既，係鮮製奶油同果醬，食原味都不愁寂寞；朱古力鬆餅入面有朱古力粒，就咁食唔加醬都已經夠香濃美味。
今日呢兩粒馬卡龍，一粒係Rasberry，另一粒係杏仁。雖然食到最後先到佢地，但面層仍保留香脆，一切即碎；馬卡龍最忌過甜，呢度既甜度就剛好兼帶有香味，我個人好buy！
張貼
