新越越式料理 (已搬遷) 新店位置

去到九龍城，打算今晚同某人食泰國嘢，但某人收工收得夜，唯有自己行住先，睇吓有咩好食。行到去差唔多九龍城尾，見到有間裝修得幾骨子的越南嘢食，索性入去食住等啦！叫住個炭燒香茅雞翼頂頂肚先，雞翼塊皮燒到又脆又甘香，咬落肉質又幾滑，不錯。食咗一隻雞翼之後，某人終於出場了，我哋叫咗個炒飯，粒粒飯都炒得幾爽身，中間啲炸蒜令到個飯更加香口。個番茄蟹肉沙律，原來係將啲沙律放入原個番茄，賣相幾有特色，蟹肉十分之多。沙律汁好甜膩，fusion 菜可能未必個個得好欣賞佢個龍眼冰，夠清甜冰凍不在話下，龍眼肉有成三分之一杯咁多，食極都有，又爽甜。