巧　すしたくみ (已結業)

連打2日風都冇咩好野食，行經旺角山東街的#巧 すしたく，裝修甚有日式風格，餐廳主打廚師發辦，價錢由$480/位～$980/位，除了廚師發辦外， 還有烏冬、壽司、 刺身、燒物，定價親民，剛剛好有位，便即時進入開餐囉☺️。我地就點左刺身盛盒，有三文魚、赤蝦、帆立貝、拖羅同墨魚。刺身新鮮厚切，最喜歡吃的是拖羅，脂肪豐富，入口即化感，啖啖滋味。壽司點了三文魚、珍寶赤蝦、北海道珍寶帆立貝同油甘魚腩。最喜歡赤蝦咬落的膠質感，油甘魚甘香，壽司嘅飯剛好，唔怕食2舊就飽晒，可以叫多幾款其他嘅嘢食。日式叉燒烏冬，叉燒同湯調味恰當，唔會過咸，烏冬亦是滑滑的很可口😗。