影片
更多
2024-09-03
135 瀏覽
肯德基 KFC📍銅鑼灣軒尼詩道475-481號東南大廈1-2樓及地下A1號舖大家都知道我對動漫有幾咁熱愛，熱血、刺激、世界觀特別嘅動漫更正中我口味，每次只要迷上一套動漫，就會中二病發作，經常喺日常生活中活用我鍾意嘅角色講過嘅對白，學習佢哋處事嘅態度等等。雖然我未去到要cosplay嘅程度，但每逢收到風有期間限定聯乘嘅周邊、展覽、餐點，我都會第一時間去打卡、爆買！今次知道KFC同進擊的巨人合作，將上年年末推出嘅Final Season化為今次聯乘主題，亦為迎嚟今年年末上映嘅劇場版打響頭炮，身為粉絲嘅我同帶我入坑嘅朋友齊齊踩入地嗚領域，感受猶如置身戰場嘅震撼。如果你都係巨人粉，我推介你一定要去銅鑼灣店，樓高三層嘅KFC內置多個打卡位，亦有唔少心思位，一眾粉絲都蜂擁而至，實在「雞」會難逢、「雞」不可失！大家着上巨人主題嘅衣物，邊食住KFC嘅招牌美食，邊做出「心臟を捧げよ」嘅招牌動作，誓要向所有奮戰嘅戰士致敬！ 💰$48M3 狂惹香燒雞 🍗今日我想一改作風，唔食炸雞，而係叫好耐無食過嘅燒雞。燒雞雖然無炸雞咁脆口，但勝在肉嫩多汁，調味相當惹味，特別適合怕熱氣、怕高熱量嘅人食。選配細辣汁蘑菇飯，一
📍銅鑼灣軒尼詩道475-481號東南大廈1-2樓及地下A1號舖
大家都知道我對動漫有幾咁熱愛，熱血、刺激、世界觀特別嘅動漫更正中我口味，每次只要迷上一套動漫，就會中二病發作，經常喺日常生活中活用我鍾意嘅角色講過嘅對白，學習佢哋處事嘅態度等等。
雖然我未去到要cosplay嘅程度，但每逢收到風有期間限定聯乘嘅周邊、展覽、餐點，我都會第一時間去打卡、爆買！今次知道KFC同進擊的巨人合作，將上年年末推出嘅Final Season化為今次聯乘主題，亦為迎嚟今年年末上映嘅劇場版打響頭炮，身為粉絲嘅我同帶我入坑嘅朋友齊齊踩入地嗚領域，感受猶如置身戰場嘅震撼。
如果你都係巨人粉，我推介你一定要去銅鑼灣店，樓高三層嘅KFC內置多個打卡位，亦有唔少心思位，一眾粉絲都蜂擁而至，實在「雞」會難逢、「雞」不可失！大家着上巨人主題嘅衣物，邊食住KFC嘅招牌美食，邊做出「心臟を捧げよ」嘅招牌動作，誓要向所有奮戰嘅戰士致敬！
[價錢 Price]
💰$48
M3 狂惹香燒雞 🍗
今日我想一改作風，唔食炸雞，而係叫好耐無食過嘅燒雞。燒雞雖然無炸雞咁脆口，但勝在肉嫩多汁，調味相當惹味，特別適合怕熱氣、怕高熱量嘅人食。選配細辣汁蘑菇飯，一口滑雞肉，一口爽菇飯，份量剛好，晚餐嚟講非常抵食。
即日起至至 9 月 18 日期間，買滿$49或以上就可以加購限量巨人周邊商品！6款特別打造嘅周邊為「社畜」們加油減壓，而且融合巨人特色元素，實用之餘亦好有收藏價值！全部周邊數量有限，售完即止，雖然已經一早去，但人氣之選嘅「調查兵團頸枕『唞』篷」早已被換購一空，所以大家有興趣，記得心動不如行動啦！
「唞唞『雞』動裝置」系列六款限量周邊商品 ⚔️
・『肯!唞唞』社畜系列盲抽企牌 (加購價 $68)
有得抽，有得砌，仲有打氣字句，office檯面唔少得！有愛「連」深切既ミカサ、靚仔兵長リヴァイ，同超有霸氣嘅超大型巨人三種款式，做工精美，抽到邊款都會好開心！
・隨地唞唞巨人眼罩 (加購價 $48)
想隨時變身巨人？唔洗自己咬自己既，戴個眼罩就得啦！
・調查兵團頸枕『唞』篷 (加購價 $168)
想同エレン、アルミン、ミカサ一齊加入調查兵團，一齊披上披風設計嘅頸枕『唞』篷，讓自由の翼隨風而靡啦！
・調查兵團立體『雞』動風扇 (加購價 $108)
立體『雞』動風扇用上調查兵團標誌性嘅軍綠色同紋章，設計輕巧，風力夠大，仲可以掛頸或座檯，夏天必備！
・ 『肯！涼爽』巨人速乾巾 (加購價 $58)
速乾巾一面鮮紅，印有KFC logo，另一面畫風突變，60米高巨人林立，眼神空洞散發令人毛骨聳然嘅氣場，夏天出街或玩水後掛喺條頸度，霸氣盡現！
・無限減壓啪啪紙機 (加購價 $78)
塞車、返工、讀書，難免會有壓力，隨身袋住個桶雞造型啪啪紙機，減壓之餘又治癒！
張貼
