叁拾咖啡室 (已結業)

有次見到朋友ig story post咗咁大隻雞髀， 好奇之下問下就搵到呢間叁拾士多， 但佢嘅位置就比較入， 沿著成業街行到最入就會揾到。兩點幾去到，竟然有人係外面等，平時呢個時間食肆都較少人，但我一個人就唔洗等既。去到唔洗諗就叫左巨人雞髀配薯條，隻雞脾真係好大好大，巨人雞髀真係名不虛傳，今次第二次食，見到都係會忍唔住哇一聲😂，上次叫金磚覺得有啲太飽， 所以今次就改叫薯條。隻雞髀真係好大隻，但可能太大隻喇，要炸到 外脆內軟就真係有難度，所以其實佢係偏乾偏硬既，但味道都ok， 而且份量十足， 下午茶食完夠曬飽。但薯條就真係唔太出色， 個人覺得唔太好食，太油又無咩味， 相反上次食嘅金磚反而幾好食， 好食過一般普通茶餐廳嘅西多士。Ps 叁拾士多嘅下午茶時間由兩點開始，算係好貼心了， 其他餐廳嘅下午茶時間多數由兩點半開始， 有啲甚至要三點，等得黎都餓死寶寶了。