影片
更多
2023-01-16
30 瀏覽
生日月🤭心情係唔同啲，趁住新年前大家都holiday mood就周圍去食吓。搵到 Espuma 呢間餐廳有個大 棉花糖嘅甜品，咁打卡-able就要去試吓💕我地點咗幾款pasta 同pizza。首先食個牛肉芝士葱油餅，個roti prata煎得香口唔油膩，啲芝士溶响碎牛肉度實在太滿足，細妹話超好味仲食得超快😌本身家姐想點carbonara，我話不如試吓新野啦，所以叫咗個燉牛肋肉寬條麵，啲short rib肉質好淋，而且燉完個汁用嚟撈個寬條麵，都有驚喜！點少得pizza份🍕今次叫咗小朋友friendly嘅蜜糖烤雞薄餅，雞肉加埋Cherry tomato同菠蘿已經好fresh又開胃，仲有勁多芝士topping同埋蜜糖source，兩姊妹都可以KO成個pizza！🧇🍨🍧重頭戲嚟啦，小朋友都好期待嘅生日大甜品終於上場 - 百利甜酒提拉米蘇窩夫 (配棉花糖同埋 Movenpick 雪糕）🎉 店員拎過嚟時，吸引埋隔離枱嘅人都望住，又係幾吸睛嘅😏 棉花糖超大放响個大玻璃盤上，而且仲有顏色pattern，未影相兩姊妹已經準備去搶食咁嘅款😅 除咗棉花糖，雪糕就點咗瑞士朱古力口味，食埋4件窩夫同雜果，真係好
生日月🤭心情係唔同啲，趁住新年前大家都holiday mood就周圍去食吓。搵到 Espuma 呢間餐廳有個大 棉花糖嘅甜品，咁打卡-able就要去試吓💕
我地點咗幾款pasta 同pizza。首先食個牛肉芝士葱油餅，個roti prata煎得香口唔油膩，啲芝士溶响碎牛肉度實在太滿足，細妹話超好味仲食得超快😌
本身家姐想點carbonara，我話不如試吓新野啦，所以叫咗個燉牛肋肉寬條麵，啲short rib肉質好淋，而且燉完個汁用嚟撈個寬條麵，都有驚喜！
點少得pizza份🍕今次叫咗小朋友friendly嘅蜜糖烤雞薄餅，雞肉加埋Cherry tomato同菠蘿已經好fresh又開胃，仲有勁多芝士topping同埋蜜糖source，兩姊妹都可以KO成個pizza！
🧇🍨🍧重頭戲嚟啦，小朋友都好期待嘅生日大甜品終於上場 - 百利甜酒提拉米蘇窩夫 (配棉花糖同埋 Movenpick 雪糕）🎉 店員拎過嚟時，吸引埋隔離枱嘅人都望住，又係幾吸睛嘅😏 棉花糖超大放响個大玻璃盤上，而且仲有顏色pattern，未影相兩姊妹已經準備去搶食咁嘅款😅 除咗棉花糖，雪糕就點咗瑞士朱古力口味，食埋4件窩夫同雜果，真係好完滿地結束呢個晚餐💕
張貼
