錵の工房 (已結業)

九龍灣工廈一向多野食，只係唔知咩野好食。咁啱去環球工商大廈搵朋友食飯，見到八樓有間日式餐廳，所以就試下啦。這裡似乎係新裝修，好有日式cafe既感覺。聽聞日日餐牌都有少少唔同，不過午餐都有十款左右！點了兩個餐，我見隔離枱個漢堡包超大，所以點了，哈哈！友人的雞翼餐先上，係六件單骨炸雞翼，即係只有三隻雞中翼，份量不多。除左雞翼仲有碟苦瓜做前菜，味道一般，好似生生地⋯等左一陣漢堡包到，嘩左一聲，真係超巨型，和牛排有2cm厚，而且好多汁，仲有幾片蕃茄同菜。最特別係有日式酸蘿蔔在包內，不過味道不太夾。湯係西蘭花湯，不錯。食完真係超飽超滿足。