Primo (已結業)

同朋友傾計飲野，最緊要有美味嘅pizza相伴，今日呢間位於灣仔嘅primo就相當適合。食肉獸薄餅$158 + $10轉薄脆批果然無揀錯，餅底夠香脆，辣肉腸辣度惹味得嚟唔會太刺激，好多香港人食唔慣黑橄欖，但我覺得呢個pizza同橄欖味道好夾，烤過嘅橄欖香味更出。雞肉牛油果潛艇堡$128麵包烤得好香， 大大塊雞肉配半溶芝士，加上爽口蔬菜，香滑牛油果，每一啖都非常充實。推薦大家試下呢度嘅甜薯條，即蕃薯條，炸得外脆內軟，食落帶點蕃薯自然甜味，食到停唔到口。芒果醬芝士蛋糕 $62濃厚芝士配新鮮藍莓同士多啤梨，有甜酸味作平衡，令到整體感覺唔會膩。