泰興餅店

營業中

休息中

同事去泰興買左皮蛋酥返黎，仲係原隻一個果種，一盒六隻拎起上手勁重。用上傳統包裝紙盒，無特別裝飾，印字仲係右讀向左架。一盒六件大大隻（$60/盒），外賣返到公司都無散開，個盒迫爆咁濟。我唔客氣啦～獨食一隻先。切開係咁樣，原隻皮蛋，啱哂愛皮蛋人仕，皮蛋雖然有啲硬，但好味喎，好有皮蛋味，哈哈。酥皮鬆軟，一層夾一層，酥皮加埋餅皮有口感，中間仲有一層糊狀物，似係蓮蓉黎，又香又滑，甜甜地幾正。似乎唔太食到有薑味？可能係因為呢款係原個皮蛋酥，小店仲有一款叫酸薑皮蛋酥，下次叫同事買個款試下先。