嘉樂冰廳 (新村街)

營業中

休息中

茶記食物應該係好多香港人嘅comfort food，簡單嘅腿蛋治、炒蛋奄列、沙嗲牛都係去到茶餐廳順口就嗌到嘅食物。而有間出名蛋嘅冰室我好想試好耐，係荃灣嘅嘉樂冰廳。聽聞佢嘅火腿奄列係用咗7隻蛋去整，今次就要試試佢咩料！今次點咗超巨型蛋牛治同埋超巨型蛋火腿奄列，兩款都超爆多蛋。蛋牛治好厚，蛋嘅熟度剛剛好，嫩嫩地食落濕潤啲，咸牛比例剛剛好，烘底係必需的！火腿奄列真係名不虛傳，好大份！一督開啲蛋睇得出好滑嫩，火腿絲滿滿係入面，仲附贈一個餐包。飲品就點咗邪惡嘅美祿恐龍，脆脆是重點，飲落好過癮！雖然只係簡單嘅配搭，但偶爾都會懷念呢種港式風味。