SAVVY

好耐冇食過自助晚餐，見到 SAVVY逢周五、六特備極尚海鮮盛宴自助晚餐，🈶巨型長腳蟹、冰鎮海鮮如龍蝦及松葉蟹等，非常吸引🤩黎到真係冇失望，超正👍🏻餐廳座位闊落舒適，環境裝修充滿時尚感，星期五晚全場爆滿，每人包一杯茶飲食物款式都算多選擇，除咗有鮮甜厚肉嘅巨型長腳蟹之外，仲有肥美多膏嘅龍蝦🦞、松葉蟹、小龍蝦、蝦、翡翠螺等等，見到都好開心，好啱我口味💕熱食有一系列亞洲熱葷及特色燒烤，包括燒澳洲牛肉、烤連骨火腿、乳豬、印度烤雞槌等等，不得不讚，呢度剛新鮮出爐嘅印度烤餅真係必試，超好味😋令人回味無窮！日本刺身都好新鮮美味，有油甘魚、帶子、三文魚、吞拿魚等。冷盤仲有多款火腿、芝士、上海烤麩、肴肉、泰式肉碎、扎肉、沙律等甜品亦有好多選擇，有好大個朱古力噴泉、小蛋糕、果撻、奶凍、曲奇🍪、軟糖等等仲有專人推車送上Häagen-Dazs 脆皮朱古力雲呢拿拖肥雪條，而且可以自己揀唔同嘅topping，真係超滿足超豐盛嘅一餐❤️