又一棧 (已結業)

食物味道一般，但服務態度極差。 訂位時要求7：00還枱，我都同意。今晚友人6：30先到，我都已經預先叫晒餸，友人一到就開餐。當時6：50左右，我都未將最後一愧肉吞落肚，個小姐已經來收走晒D碗碟。我當時打左個突。之後唔到2秒就叫我地點甜品。我同個小姐講睇睇先。甜品牌都未睇，點叫呀。未到幾秒的時間，個部長又吹我地叫甜品。我話，「你岩岩先叫我點甜品，可唔可以俾d時間我？」但個部長大條道理話：「好快7：00啦，你唔叫，出唔切俾你。」聽到我火起。我係消費者，仲有十分鐘至到7：00，門口又冇人等位。咁樣做即係趕客啫。 又一棧又唔係大排檔，俾多幾分鐘唔會死人架！咁冇人情味的餐廳，搵鬼去呀。