西川風味海鮮館 (已結業)

今日同朋友係長沙灣打完波, 去左間差不多食咩都有既餐廳, 我講食咩都有既意思, 其實係指食火鍋, 刺身, 小炒, 海鮮都有, 選擇都唔算少啦.打完波咁口渴, 整番杯檸檬茶, 原來size 差不多有平時餐廳2倍有多, 我估容量都有1公升.天時暑熱, 整番個涷冰冰泰式蝦刺身, 蝦夠大又夠新鮮, 加埋個泰式酸辣汁, 夠晒開胃.再黎個活魚刺身, 鮮魚片夠晒爽口, 魚味十足.原來活魚刺身都可以一味兩食, 佢將頭腩位椒鹽炒, 惹味十足.紅燒乳鴿, 肉質好嫩好淋, 正.砂鍋雲吞雞, 呢個夠晒飽肚, 湯夠濃, 雞肉阿淋.風味小炒皇, 多種海味共治一爐, 重口味.