春水堂 (美麗華廣場1期) (已結業)

午餐，自助落單，基本上已經同職員無乜接觸，但係咁都經歷到佢差到極點嘅服務態度，真無言⋯第一次係食到尾聲問佢攞兩杯水，其實我哋已經叫咗正價飲品同一人一份食物，但係同佢講要水嘅時候，佢手上冇拎住嘢，不過無停低，無回應，連眼神接觸都無，黑面，行過咗。😑第二次係佢主動走埋嚟，好冷淡咁拋低一句「用餐時間90分鐘過咗」，啲語氣好差，好似欠咗佢咁，就轉身離開。😒第三次到門口俾錢，前面有個顧客買緊外賣，我哋當然排人哋後面啦，不過佢真係好似驚死我哋會走佢數咁，睥住我哋，講咗一個字「單」。🙄講緊嘅係同一個女職員，著紅色制服嘅，基本禮貌都無⋯🤦🏻‍♂️再幫襯？不了！