八月天 (已結業)

其實已經食過一次，鴨腿黃薑飯。覺得份量唔多，而且又唔熱。都唔諗住再來！點知今日同個同事farewell，佢話要來呢間 。無辦法之下，為有再次光臨。叫左茄汁雞扒意，咖哩豬扒意，忌廉魚扒意，鴨腿黃薑飯同雲耳，百合，露筍炒意。全部都唔夠味，同事個個都要問佢額外拎多一啲汁。問個侍應攞汁的時候，佢仲話，其實夠汁𠺢，係啲意粉下面。但有個同事話，加左汁都係唔夠味。全部都普通野，只有個黃薑飯特別啲。其實都唔使來呢度食，茶記可能仲好過佢，又平啲。 我嗰個無汁的，為有落啲胡椒粉落去啦。但都係唔夠味。而且仲要將露筍換左啲什菌。早知係咁，我就唔叫呢個啦，我唔食菌的。 佢地飲左凍奶茶，呢度的特色。同事話好似用練奶整的，甜左啲。我就飲今日的特飲，香檸薏米水。得一片好好好薄的檸檬，無乜檸檬味。唔值得加3蚊。