百子樓 (已結業)

百子樓不倫食物味道定係服務態度都非常差，去過一次唔會再去！d嘢真係好難食，原本係食泰國菜， 依家改到不倫不類，尤其係中式菜，推薦果d味道都很差！有個冇穿員工衫的阿嬸尤其不知所謂，上菜個人仲有好遠先行到過來，佢已經企係度按住張枱，叫人唔好夾送，要上菜。之後上咗一個串燒，我地點送果時話淨係要豬肉同牛肉，佢上咗豬，牛，雞肉。其實我地見到，都冇所謂啦，我地11個人食飯，肯定有人食。但佢上菜果時已經見到，然後冇出聲，行開咗，離遠望住我地食緊一串，先扮晒嘢咁行過來話「唔好意思，唔記得咗寫唔要雞肉」。冇穿藍色衫果個阿嬸，你洗唔洗做到咁cheap呀，就算冇食都懶得叫你拎去換啦！總有男服務員，行路完全唔理前面有冇人，橫衝直撞。總之呢間嘢好難食，服務態度超差，都會同d朋友講千祈唔好去搵氣受。