影片
更多
2020-12-10
957 瀏覽
12月9日晚同女朋友去左呢間餐廳食晚餐，諗住試吓荃灣呢間舊式扒房，入到去啲侍應叫我哋上去，上到去無位再叫返我哋落去，算啦，坐低落單，叫左2個餐，轉左蒜蓉汁，點知一送到黎問都無問就淋左黑椒汁，自己淋錯仲要西我地面，都算啦，食落去要5成熟，點知一切落去舊肉仲生到無輪，另一份就熟晒甘濟，點解一間扒房連呢啲錯都會犯，成餐飯都感覺好差，侍應仲要乜都唔理甘，我同女朋友真係嬲到食到一半埋單走啦，埋單 400蚊，呢個價錢去金鳳個啲食會仲好，未見過甘差既餐廳，難食又無服務態度，而家疫情仲甘做生意，又污糟，唔明點解呢啲餐廳仲生存到，奉勸想去食既朋友真係要三思！！！
張貼