146
13
11
(非會員)
0
0
差到極
2005-02-15 50 瀏覽
本人於情人節(2月14號)聯同女朋友去尖沙咀山林道30-32號味一番食情人餐,個情人餐售價$288,本來覺得情人節無所謂,但實在太差了,尤其食物,上菜時間及服務態度,門口個餐牌寫住$288有什錦刺身、牛柳串燒、天婦羅炸生、鐵板燒大蝦、加州卷、餃子雞翼及甜品,本來諗住咁既價錢份量多少都見得下人掛,叫多個麵段估差不多,但勢估吾到份量' 多' 得驚人,多到連阿婆都吾夠食,8:30p.m.入到去坐底叫餐,15分鐘後先上菜,上左什錦刺身,有4塊仔三文魚,4粒吾知乜野,再過20分鐘先再上菜,上左加州卷4粒仔,像個5毫子般大,然後過左30分鐘都再無野到,要追Call先係咁易理下我地,仲問我地係咪趕時間,係咪吾趕時間就要慢慢等先,算數,但隔離檯對情侶遲我地30分鐘叫個味一番拉麵,佢地到左我地都未有,都算,忍佢,但個侍應真係吾係好惦,當眾大大聲Call廚部話' o個圍檯又好似真係趕時間咁喎' ,咁係咪夾埋做戲先,態度極差,之後求其上埋牛柳串燒、天婦羅炸生、鐵板燒大蝦、餃子雞翼等,牛柳串燒得6粒,仲係細粒, 天婦羅炸生得2粒,Size中等, 餃子雞翼得2隻,Size仲細過' 戴嘉落' D下午茶,不過最可憐
更多
本人於情人節(2月14號)聯同女朋友去尖沙咀山林道30-32號味一番食情人餐,個情人餐售價$288,本來覺得情人節無所謂,但實在太差了,尤其食物,上菜時間及服務態度,門口個餐牌寫住$288有什錦刺身、牛柳串燒、天婦羅炸生、鐵板燒大蝦、加州卷、餃子雞翼及甜品,本來諗住咁既價錢份量多少都見得下人掛,叫多個麵段估差不多,但勢估吾到份量' 多' 得驚人,多到連阿婆都吾夠食,8:30p.m.入到去坐底叫餐,15分鐘後先上菜,上左什錦刺身,有4塊仔三文魚,4粒吾知乜野,再過20分鐘先再上菜,上左加州卷4粒仔,像個5毫子般大,然後過左30分鐘都再無野到,要追Call先係咁易理下我地,仲問我地係咪趕時間,係咪吾趕時間就要慢慢等先,算數,但隔離檯對情侶遲我地30分鐘叫個味一番拉麵,佢地到左我地都未有,都算,忍佢,但個侍應真係吾係好惦,當眾大大聲Call廚部話' o個圍檯又好似真係趕時間咁喎' ,咁係咪夾埋做戲先,態度極差,之後求其上埋牛柳串燒、天婦羅炸生、鐵板燒大蝦、餃子雞翼等,牛柳串燒得6粒,仲係細粒, 天婦羅炸生得2粒,Size中等, 餃子雞翼得2隻,Size仲細過' 戴嘉落' D下午茶,不過最可憐都係鐵板燒大蝦,得1隻,情人餐得1隻比人,唯一可取既係個拉麵,但吾係跟餐,散叫要$48,仲要不斷追Call至有,食完個D ' 小食'後追上甜品,拿拿臨埋單走,一係吾問,問起笑死人,我問佢今晚甜品係乜?佢竟然答我' 無呀,今晚我地既甜品係金莎朱古力,每人有一粒! '10:00p.m.到食完,食丁點咁多野用左個半鐘,埋單$346,仲諗住夠時間去睇戲,但搞到情人節乜feel都無曬……情人節塭錢好正常,但希望比D良知,比番D服務態度同應有份量比消費者!
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食