土司工坊 (已結業)

說實話，從性價比而言，吐司工坊完全不值得，一個嘉頓嘅麵包，隨便整一整，賣出一個手作店嘅價錢，當我聽到50幾蚊，買兩片麵包，加一啲不知所謂嘅火腿，蛋，一杯250ml嘅飲品，唔通落左聖水？？？？？我個人食左60蚊嘅咖喱雞腿椰漿飯，一上黎，一個小朋友嘅食量，好，食量唔大，好味嘅話我覺得都抵，但佢所為嘅椰漿飯，淨係有油膩嘅感覺，椰漿呢？？？？名不符實！！！！兩片大黃瓜，一小堆係無印買翻黎嘅魚干，雞腿無雞味，淨係得啲咖喱味，一個份量小，名不符實，又油膩嘅飯，值得60？？？？？？價錢和產品的質量完全不符合。薏米水入面糖漿份量太多，又有啲傑，好聽啲係足料，唔好聽啲就係糯米糖水，其他野都不評論，無特別感覺，只係覺得茶餐廳質量都不如嘅食物係咪真係值得貴過茶餐廳嘅價錢？