阿拉麵館 (已結業)

印象中阿拉麵館長期都好墟冚，但出乎意料之外，星期五晚七點半去到竟然無人排隊仲有好多吉檯，好，我哋再次光臨。本人對集團式經營既食肆一向都唔會抱太大期望，唔太差已算，今次都唔例外，不過感覺好似差過以前。上海菜以濃油赤醬見稱，但這間卻例外，我哋點咗三鮮湯麵，有蝦、墨魚，草菇等做材料，與湯麵分開上，湯麵清得嚟帶甜，簡直係一滴油都無，麵質亦頗煙靭彈牙；鮮蟶子肉泡飯大大碗，一個女仔實食唔晒，蟶子肉大大隻，不過可惜有沙，湯飯呈現奶白色，喝幾口感覺舒服；小籠包反而較失準，一夾就穿，又無鮮肉味，唔合格。飯後都見到原來有好多顧客在排隊，莫非現時人人工作都忙，連食飯時間都延遲咗？